mere sine mein jo dil hai sukun ka ek Thikana tha

mire siine meñ jo dil hai sukūñ kā ik Thikāna thā

ġham-e-jānāñ se pahle zindagī kā kyā zamāna thā

na āñkhoñ meñ namī koī na rātoñ kī taḌap mujh meñ

na hoñToñ par kisī kī ārzūoñ kā fasāna thā

farāġhat se guzartī thī hayāt-e-be-ḳhabar apnī

na ġham kī koī mahfil thī na ashkoñ kā bahāna thā

kisī kī yaad kā aanā nahīñ hotā thā siine meñ

na dil meñ dard rahtā thā na maiñ koī divāna thā

lahū the munjamid merī talab koī nahīñ jaagī

magar ashkoñ ko āñkhoñ tak bulāne kā bahāna thā

na husn-o-'ishq kī parvā na hijr-o-vasl ke qisse

faqat ik be-ḳhayālī thī jo merā kal ḳhazāna thā

chalo 'az.har' ye tanhā zindagī bhī ik ġhanīmat hai

balā-e-'ishq kā nā-haq hameñ banñā nishāna thā

mere sine mein jo dil hai sukun ka ek Thikana tha

gham-e-jaanan se pahle zindagi ka kya zamana tha

na aankhon mein nami koi na raaton ki taDap mujh mein

na honTon par kisi ki aarzuon ka fasana tha

faraghat se guzarti thi hayat-e-be-KHabar apni

na gham ki koi mahfil thi na ashkon ka bahana tha

kisi ki yaad ka aana nahin hota tha sine mein

na dil mein dard rahta tha na main koi diwana tha

lahu the munjamid meri talab koi nahin jagi

magar ashkon ko aankhon tak bulane ka bahana tha

na husn-o-'ishq ki parwa na hijr-o-wasl ke qisse

faqat ek be-KHayali thi jo mera kal KHazana tha

chalo 'azhar' ye tanha zindagi bhi ek ghanimat hai

bala-e-'ishq ka na-haq hamein banna nishana tha