kisi ki shoKH adaen karam se begana
kisī kī shoḳh adā.eñ karam se begāna
banā.e jaatī haiñ kam-baḳht dil ko dīvāna
samajh rahe ho mujhe kyuuñ harīf-e-mai-ḳhāna
ye merī bazm hai rindo ye merā paimāna
sharāb-ḳhāne meñ ye kaun tishna-kām aayā
ki jaam raqs meñ hai jhūmtā hai mai-ḳhāna
ye inqalāb ye māhaul ye fazā kyā hai
chaman meñ aag lagī phuñk rahā hai vīrāna
bikhar na jaa.e kahīñ mai-kade kā shīrāza
subū se dekhiye Takrā rahā hai paimāna
tumheñ bhī kaash ho fursat to aa ke sun jaao
hai aaj dard se labrez merā afsāna
ye kyā maqām-e-tamannā hai tere 'hindī' kā
na jazb-o-shauq na dīvāngī na farzāna
kisi ki shoKH adaen karam se begana
banae jati hain kam-baKHt dil ko diwana
samajh rahe ho mujhe kyun harif-e-mai-KHana
ye meri bazm hai rindo ye mera paimana
sharab-KHane mein ye kaun tishna-kaam aaya
ki jam raqs mein hai jhumta hai mai-KHana
ye inqalab ye mahaul ye faza kya hai
chaman mein aag lagi phunk raha hai virana
bikhar na jae kahin mai-kade ka shiraaza
subu se dekhiye Takra raha hai paimana
tumhein bhi kash ho fursat to aa ke sun jao
hai aaj dard se labrez mera afsana
ye kya maqam-e-tamanna hai tere 'hindi' ka
na jazb-o-shauq na diwangi na farzana
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
