teri aankhon se aankhen milane ke baad

terī āñkhoñ se āñkheñ milāne ke baa'd

yaad aa.ī mohabbat zamāne ke baa'd

do ghaḌī kā nahīñ miltā chain-o-sukūñ

do ghaḌī saath tere bitāne ke baa'd

merī dīvār kā rang hī uḌ gayā

ek tasvīr terī haTāne ke baa'd

bhūlnā mat unheñ yaad karte raho

lutf kuchh bhī na hogā bhulāne ke baa'd

pā gayā huuñ jahāñ kī sabhī rāhateñ

kal kisī ko gale se lagāne ke baa'd

dil ko ārām hai man ko bhī chain hai

haal apnā kisī ko batāne ke baa'd

mere ghar meñ 'ajab raushnī chhā.ī hai

ek jaltā huā ghar bujhāne ke baa'd

ik musavvir taraqqī bahut kar gayā

ek tasvīr terī banāne ke baa'd

maiñ to pīchhā karūñgā kahāñ jaatī hai

mere is jism se jaan jaane ke baa'd

teri aankhon se aankhen milane ke ba'd

yaad aai mohabbat zamane ke ba'd

do ghaDi ka nahin milta chain-o-sukun

do ghaDi sath tere bitane ke ba'd

meri diwar ka rang hi uD gaya

ek taswir teri haTane ke ba'd

bhulna mat unhen yaad karte raho

lutf kuchh bhi na hoga bhulane ke ba'd

pa gaya hun jahan ki sabhi rahaten

kal kisi ko gale se lagane ke ba'd

dil ko aaram hai man ko bhi chain hai

haal apna kisi ko batane ke ba'd

mere ghar mein 'ajab raushni chhai hai

ek jalta hua ghar bujhane ke ba'd

ek musawwir taraqqi bahut kar gaya

ek taswir teri banane ke ba'd

main to pichha karunga kahan jati hai

mere is jism se jaan jaane ke ba'd