kabhi meri ghazal sunne chale aana bahane se
kabhī merī ġhazal sunñe chale aanā bahāne se
sitāre saath laanā tum falak ke āshiyāne se
samundar sī tirī āñkheñ nazar terī nigahbānī
kahīñ na maut ho jaa.e kisī kī Duub jaane se
girī hogī tirī paa.el kabhī mere baġhīche meñ
tirī ḳhushbū lagī hogī mujhe us ko uThāne se
'adāvat kī sabhā baiThī mohabbat sab kī mujrim thī
sazā.eñ diiñ sharīfoñ ko subūtoñ ko miTāne se
zabāñ urdu nahīñ merī likhā kuchh bhī nahīñ jaatā
ġhazal se 'ishq kartā huuñ maiñ ġhālib ke zamāne se
tirī āñkheñ tirā chehra tirī zulfeñ tirā chalnā
chiḌhāte dost haiñ mujh ko sabhī tere bahāne se
lagā kar dil mohabbat meñ hamesha yuuñ badal jaanā
abhī tak ye nahīñ badlī tirī fitrat zamāne se
kabhi meri ghazal sunne chale aana bahane se
sitare sath lana tum falak ke aashiyane se
samundar si teri aankhen nazar teri nigahbani
kahin na maut ho jae kisi ki Dub jaane se
giri hogi teri pael kabhi mere baghiche mein
teri KHushbu lagi hogi mujhe us ko uThane se
'adawat ki sabha baiThi mohabbat sab ki mujrim thi
sazaen din sharifon ko subuton ko miTane se
zaban urdu nahin meri likha kuchh bhi nahin jata
ghazal se 'ishq karta hun main ghaalib ke zamane se
teri aankhen tera chehra teri zulfen tera chalna
chiDhate dost hain mujh ko sabhi tere bahane se
laga kar dil mohabbat mein hamesha yun badal jaana
abhi tak ye nahin badli teri fitrat zamane se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
