jalwa nazar aa jae jo ek bar tumhaara
jalva nazar aa jaa.e jo ik baar tumhārā
kyā kuchh na kare tālib-e-dīdār tumhārā
behtar hai na aa.egī qazā ḳhair na aa.e
be-maut hī mar jā.egā bīmār tumhārā
mujh par jo sitam Dhaa.e sitam-gār vahī hai
maiñ naam to letā nahīñ sarkār tumhārā
kis kā hai mujhe paas 'adū pūchh rahe haiñ
keh de na kahīñ vo but-e-‘ayyār tumhārā
jo pyaar se barham hoñ unheñ pyaar karo tum
duniyā se nirālā hai 'qamar' pyaar tumhārā
jalwa nazar aa jae jo ek bar tumhaara
kya kuchh na kare talib-e-didar tumhaara
behtar hai na aaegi qaza KHair na aae
be-maut hi mar jaega bimar tumhaara
mujh par jo sitam Dhae sitam-gar wahi hai
main nam to leta nahin sarkar tumhaara
kis ka hai mujhe pas 'adu puchh rahe hain
keh de na kahin wo but-e-‘ayyar tumhaara
jo pyar se barham hon unhen pyar karo tum
duniya se nirala hai 'qamar' pyar tumhaara
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
