didar-e-husn-e-yar sar-e-am to kiya

dīdār-e-husn-e-yār sar-e-'ām to kiyā

muddat ke baa'd dil ne mire kaam to kiyā

jhūmūñ ḳhushī se kyuuñ na sar-e-bazm-e-mai-kashāñ

ik shaam us ne jaam mire naam to kiyā

qismat meñ mai nahīñ thī jo mere to kyā huā

us ne qarīb lab ke mire jaam to kiyā

ḳhāmosh rah ke ahl-e-junūñ ne ye ab kī baar

shor-o-shaġhab se achchhā ik iqdām to kiyā

achchhā hai is bahāne zarā naam ho gayā

'tāriq' ko tum ne duniyā meñ bad-nām to kiyā

didar-e-husn-e-yar sar-e-'am to kiya

muddat ke ba'd dil ne mere kaam to kiya

jhumun KHushi se kyun na sar-e-bazm-e-mai-kashan

ek sham us ne jam mere nam to kiya

qismat mein mai nahin thi jo mere to kya hua

us ne qarib lab ke mere jam to kiya

KHamosh rah ke ahl-e-junun ne ye ab ki bar

shor-o-shaghab se achchha ek iqdam to kiya

achchha hai is bahane zara nam ho gaya

'tariq' ko tum ne duniya mein bad-nam to kiya