usko ji bhar ke dekh lene do
us ko jī bhar ke dekh lene do
baiTh jaao ki sāmne se haTo
yuuñ na sāġhar dikhā dikhā ke piyo
tishna-kāmoñ se dil-lagī na karo
ghar kī ghar meñ rahe to behtar hai
is se pahle jo dūsroñ se suno
but-e-be-mehr keh rahe ho jise
us ke haañ aaj mere saath chalo
keh rahī haiñ jo aap kī nazreñ
ham samajhte haiñ tum kaho na kaho
shab-e-furqat guzārnī hai kyā
shaam aañsū bahāo sub.h hañso
bar-binā-e-umīd-e-dād-e-vafā
'shād' sāhab butoñ ke paaoñ paḌo
us ko ji bhar ke dekh lene do
baiTh jao ki samne se haTo
yun na saghar dikha dikha ke piyo
tishna-kaamon se dil-lagi na karo
ghar ki ghar mein rahe to behtar hai
is se pahle jo dusron se suno
but-e-be-mehr keh rahe ho jise
us ke han aaj mere sath chalo
keh rahi hain jo aap ki nazren
hum samajhte hain tum kaho na kaho
shab-e-furqat guzarni hai kya
sham aansu bahao subh hanso
bar-bina-e-umid-e-dad-e-wafa
'shad' sahab buton ke paon paDo
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
