qaba-e-jism utaren lahu lahu ho jaen

qabā-e-jism utāreñ lahū lahū ho jaa.eñ

mileñ jo ḳhaak meñ ham bhī to surḳh-rū ho jaa.eñ

hamārī zaat kī parteñ bhī khultī jā.eñgī

bus ek baar jo ham us ke rū-barū ho jaa.eñ

sunā hai aap masīhā-e-dil-figārāñ haiñ

ik aadh zaḳhm hamāre bhī gar rafū ho jaa.eñ

jo in dinoñ mirā aflāk par hai zikr bahut

'ajab nahīñ ki zamīneñ mirī 'adū ho jaa.eñ

namāz-e-'ishq adā ho rahī hai muddat baa'd

Thahar ai dil ki zarā pahle bā-vuzū ho jaa.eñ

sunā hai us kī savārī guzarne vaalī hai

chalo ki nak.hat-e-gul ham bhī kū-ba-kū hū jaa.eñ

qaba-e-jism utaren lahu lahu ho jaen

milen jo KHak mein hum bhi to surKH-ru ho jaen

hamari zat ki parten bhi khulti jaengi

bus ek bar jo hum us ke ru-baru ho jaen

suna hai aap masiha-e-dil-figaran hain

ek aadh zaKHm hamare bhi gar rafu ho jaen

jo in dinon mera aflak par hai zikr bahut

'ajab nahin ki zaminen meri 'adu ho jaen

namaz-e-'ishq ada ho rahi hai muddat ba'd

Thahar ai dil ki zara pahle ba-wuzu ho jaen

suna hai us ki sawari guzarne wali hai

chalo ki nakhat-e-gul hum bhi ku-ba-ku hu jaen