millat-e-ishq mein mazhab se sarokar nahin

millat-e-'ishq meñ maz.hab se sarokār nahīñ

is jagah tafraqa-e-kāfir-o-dīñ-dār nahīñ

kab tasavvur tirā ai abrū-e-ḳham-dār nahīñ

kab mah-e-nau kī mire sāmne talvār nahīñ

kaun insāñ hai jo duniyā meñ gunah-gār nahīñ

kaun banda tirī rahmat kā sazā-vār nahīñ

koī shai āñkhoñ meñ ḳhanjar sī khichī rahtī hai

'aks terā to ye ai abrū-e-ḳham-dār nahīñ

hai haqīqat meñ tirī zulf kā qaidī āzād

vo giraftār hai jo is kā giraftār nahīñ

kis jagah jalva-gah-e-yār nahīñ hai lekin

koī muusā kī tarah tālib-e-dīdār nahīñ

terī qudrat ko to kyā ḳhaak bashar samjhegā

aap ye apnī haqīqat se ḳhabar-dār nahīñ

yahī hotā ki maiñ ālūda-e-'isyāñ hotā

be-gunah gar tirī rahmat kā sazā-vār nahīñ

ek vo hai jise pahlū meñ biThāte haiñ huzūr

ek ham haiñ ki kabhī pūchhte sarkār nahīñ

sāġhar-e-bāda-e-be-kaif diye jā saaqī

ham abhī nashsha-e-tauhīd meñ sarshār nahīñ

aaj tak daar se paiham ye sadā aatī hai

'āshiqoñ meñ koī mansūr sā sardār nahīñ

āsmāñ tujh meñ hai kuchh yaar kā andāz-e-ḳhirām

phir bhī us qāmat-e-mauzūñ kī sī raftār nahīñ

hai namak-pāsh-e-jarāhat mirā qātil 'mohsin'

ab mujhe ārzū-e-marham-e-zangār nahīñ

millat-e-'ishq mein mazhab se sarokar nahin

is jagah tafraqa-e-kafir-o-din-dar nahin

kab tasawwur tera ai abru-e-KHam-dar nahin

kab mah-e-nau ki mere samne talwar nahin

kaun insan hai jo duniya mein gunah-gar nahin

kaun banda teri rahmat ka saza-war nahin

koi shai aankhon mein KHanjar si khichi rahti hai

'aks tera to ye ai abru-e-KHam-dar nahin

hai haqiqat mein teri zulf ka qaidi aazad

wo giraftar hai jo is ka giraftar nahin

kis jagah jalwa-gah-e-yar nahin hai lekin

koi musa ki tarah talib-e-didar nahin

teri qudrat ko to kya KHak bashar samjhega

aap ye apni haqiqat se KHabar-dar nahin

yahi hota ki main aaluda-e-'isyan hota

be-gunah gar teri rahmat ka saza-war nahin

ek wo hai jise pahlu mein biThate hain huzur

ek hum hain ki kabhi puchhte sarkar nahin

saghar-e-baada-e-be-kaif diye ja saqi

hum abhi nashsha-e-tauhid mein sarshaar nahin

aaj tak dar se paiham ye sada aati hai

'ashiqon mein koi mansur sa sardar nahin

aasman tujh mein hai kuchh yar ka andaz-e-KHiram

phir bhi us qamat-e-mauzun ki si raftar nahin

hai namak-pash-e-jarahat mera qatil 'mohsin'

ab mujhe aarzu-e-marham-e-zangar nahin