hamara yun teri banhon se ji nahin bharta

hamārā yuuñ tirī bāñhoñ se jī nahīñ bhartā

ki jaise jism kā sāñsoñ se jī nahīñ bhartā

kahāñ talak tirī āvāz par hī sabr kareñ

gale lagā hameñ bātoñ se jī nahīñ bhartā

so ham ko aur de āñkheñ ki us ko dekh sakeñ

hamārā sirf in āñkhoñ se jī nahīñ bhartā

abhī to dekhnā māthā bhī merā chūmegī

ki maañ kā sirf du'āoñ se jī nahīñ bhartā

hai ḳhaufnāk haqīqat saroñ pe in ke magar

mire qabīle kā ḳhvāboñ se jī nahīñ bhartā

hamara yun teri banhon se ji nahin bharta

ki jaise jism ka sanson se ji nahin bharta

kahan talak teri aawaz par hi sabr karen

gale laga hamein baaton se ji nahin bharta

so hum ko aur de aankhen ki us ko dekh saken

hamara sirf in aankhon se ji nahin bharta

abhi to dekhna matha bhi mera chumegi

ki man ka sirf du'aon se ji nahin bharta

hai KHaufnak haqiqat saron pe in ke magar

mere qabile ka KHwabon se ji nahin bharta