ba-faiz-e-ishq-e-amrika bar-auj-e-dar mi-raqsam

ba-faiz-e-'ishq-e-amrīkā bar-auj-e-dār mī-raqsam

koī chāra nahīñ hai 'ājiz o lā-chār mī-raqsam

sab ahl-e-shahr ko maiñ be-niyāz-e-pairahan kar ke

fasīl-e-shahr par be-jubba-o-dastār mī-raqsam

mire dast-e-havas meñ hai faqat kaasa gadā.ī kā

so pesh-e-ahl-e-daulat ban ke bar-ḳhurdār mī-raqsam

siyāsat kī nazākat ke taqāzoñ ko samajhtā huuñ

gahe ḳhvābīda mī raqsam gahe bedār mī-raqsam

mirā dil TuuT kar bhī kaam mere aa gayā 'zāmin'

ki bā-yak jumbish-e-āñ chashm-e-gauhar-bār mī-raqsam

ba-faiz-e-'ishq-e-amrika bar-auj-e-dar mi-raqsam

koi chaara nahin hai 'ajiz o la-chaar mi-raqsam

sab ahl-e-shahr ko main be-niyaz-e-pairahan kar ke

fasil-e-shahr par be-jubba-o-dastar mi-raqsam

mere dast-e-hawas mein hai faqat kasa gadai ka

so pesh-e-ahl-e-daulat ban ke bar-KHurdar mi-raqsam

siyasat ki nazakat ke taqazon ko samajhta hun

gahe KHwabida mi raqsam gahe bedar mi-raqsam

mera dil TuT kar bhi kaam mere aa gaya 'zamin'

ki ba-yak jumbish-e-an chashm-e-gauhar-bar mi-raqsam