aaina samne rakh kar ye tamasha dekha

aa.ina sāmne rakh kar ye tamāsha dekhā

apnī sūrat meñ tire husn kā jalva dekhā

sajda karne lage jhuk jhuk ke malak aadam ko

nuur peshānī pe terā jo chamaktā dekhā

hai haqīqat meñ bashar qatra-e-nāchīz magar

maujzan ham ne isī qatre meñ dariyā dekhā

jalva-farmā huā vo bahr-e-latāfat dil meñ

ham ne kuuze meñ samāte hue dariyā dekhā

qatl kar ke mujhe kis naaz se farmāte haiñ

kisī mā'shūq pe marne kā tamāshā dekhā

vahī 'ārif hai vahī mard-e-ḳhudā hai 'mohsin'

jis ne qatre meñ hī dariyā kā tamāshā dekhā

aaina samne rakh kar ye tamasha dekha

apni surat mein tere husn ka jalwa dekha

sajda karne lage jhuk jhuk ke malak aadam ko

nur peshani pe tera jo chamakta dekha

hai haqiqat mein bashar qatra-e-nachiz magar

maujzan hum ne isi qatre mein dariya dekha

jalwa-farma hua wo bahr-e-latafat dil mein

hum ne kuze mein samate hue dariya dekha

qatl kar ke mujhe kis naz se farmate hain

kisi ma'shuq pe marne ka tamasha dekha

wahi 'arif hai wahi mard-e-KHuda hai 'mohsin'

jis ne qatre mein hi dariya ka tamasha dekha