ye kaun guzra idhar se sada lagate hue
ye kaun guzrā idhar se sadā lagāte hue
darīche khulne lage hañste muskurāte hue
guzar rahī hai kisī tarh zindagī apnī
fareb dete hue yā fareb khāte hue
mirī nazar meñ sulagte hue vo manzar haiñ
jhijakte haiñ mirī āñkhoñ meñ ḳhvāb aate hue
mujhe 'azāb kī sūrat 'atā huī dastār
tamām 'umr guzārī hai sar bachāte hue
mujhe sameTnā ab kis kī zimme-dārī hai
bikhar gayā maiñ tirī zindagī banāte hue
vo qadr hone lagī 'āshnā' añdhere kī
ki log Darte haiñ ab raushnī meñ aate hue
ye kaun guzra idhar se sada lagate hue
dariche khulne lage hanste muskuraate hue
guzar rahi hai kisi tarh zindagi apni
fareb dete hue ya fareb khate hue
meri nazar mein sulagte hue wo manzar hain
jhijakte hain meri aankhon mein KHwab aate hue
mujhe 'azab ki surat 'ata hui dastar
tamam 'umr guzari hai sar bachate hue
mujhe sameTna ab kis ki zimme-dari hai
bikhar gaya main teri zindagi banate hue
wo qadr hone lagi 'ashna' andhere ki
ki log Darte hain ab raushni mein aate hue
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
