yar ki KHabar lene chaaragar nahin jata

yaar kī ḳhabar lene chārāgar nahīñ jaatā

lafzoñ ke dilāsoñ se zaḳhm bhar nahīñ jaatā

har taraf udāsī ke hoñge muntazir jaale

is ḳhayāl se vāpas apne ghar nahīñ jaatā

ḳhūb-rū bahut aa.e tere baa'd bhī lekin

zaḳhm tujh se khāyā jo us kā Dar nahīñ jaatā

koī laakh bhī keh de vaqt sab miTā degā

dil pe jo likhā jaa.e vo asar nahīñ jaatā

roz muskurātā huuñ dard chhup bhī jaatā hai

raat Dhalte hī lekin ye hunar nahīñ jaatā

'sāgar' us kī yādoñ kā āḳhrī amiiñ Thahrā

saañs tham bhī jaa.e to ye safar nahīñ jaatā

yar ki KHabar lene chaaragar nahin jata

lafzon ke dilason se zaKHm bhar nahin jata

har taraf udasi ke honge muntazir jale

is KHayal se wapas apne ghar nahin jata

KHub-ru bahut aae tere ba'd bhi lekin

zaKHm tujh se khaya jo us ka Dar nahin jata

koi lakh bhi keh de waqt sab miTa dega

dil pe jo likha jae wo asar nahin jata

roz muskuraata hun dard chhup bhi jata hai

raat Dhalte hi lekin ye hunar nahin jata

'sagar' us ki yaadon ka aaKHri amin Thahra

sans tham bhi jae to ye safar nahin jata