waqt dena hi khad pani hai
vaqt denā hī khaad paanī hai
ye mohabbat bhī bāġhbānī hai
us ne dahlīz par rakhīñ āñkheñ
kitnī dil-kash ye mezbānī hai
har taraf ḳhushiyoñ ke 'ilāqe haiñ
ye mire ġham kī rājdhānī hai
aañkh meñ rah ke suukh jaatā hai
merā aañsū bhī ḳhāndānī hai
rail chhūTī to yaar bhī chhūTā
har safar kī yahī kahānī hai
ek āvāra dard hai shāyad
zindagī jis kī tarjumānī hai
waqt dena hi khad pani hai
ye mohabbat bhi baghbani hai
us ne dahliz par rakhin aankhen
kitni dil-kash ye mezbani hai
har taraf KHushiyon ke 'ilaqe hain
ye mere gham ki rajdhani hai
aankh mein rah ke sukh jata hai
mera aansu bhi KHandani hai
rail chhuTi to yar bhi chhuTa
har safar ki yahi kahani hai
ek aawara dard hai shayad
zindagi jis ki tarjumani hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
