teri nigah ke ishaare kabhi sada na bane

tirī nigah ke ishāre kabhī sadā na bane

magar jo zaḳhm amānat the vo fasāna bane

lahū kī surḳhī pe uThtī haiñ uñgliyāñ sab kī

batā.eñ kyā ki pise bhī to kyuuñ hinā na bane

tamām 'umr jale dāġh-e-lāla kī mānind

ye ḳhair guzrī sharāra bane sabā na bane

vo ḳhizr-pesha bhī manzil se be-ḳhabar nikle

rahe jo sirf musāfir hī rāstā na bane

navāzishoñ ke liye dhuup DhūñDtī kis ko

sulagte dasht meñ mamnūn-e-yak-ridā na bane

ġhurūr-e-dard kī tauhīn thī tamannā bhī

dahān-e-zaḳhm bane ham lab-e-du’ā na bane

tum ik nazar meñ ḳhudā ban gaye mohabbat ke

hameñ hasīnoñ ne puujā to devtā na bane

tumhāre saath bhī laḌnā paḌā añdheroñ se

tumhāre gesū-e-shab-tāb bhī ziyā na bane

siyāh-posh ujāloñ meñ luT gaye tanhā

jo the sharīk-e-safar vo bhī ham-navā na bane

anā ne saath na chhoḌā ki ro bhī lete ham

du’ā-e-ġham to bane ġham kī iltijā na bane

salīqa aa to gayā bekasī meñ marne kā

gila nahīñ vo 'na.īmī' kā aasrā na bane

teri nigah ke ishaare kabhi sada na bane

magar jo zaKHm amanat the wo fasana bane

lahu ki surKHi pe uThti hain ungliyan sab ki

bataen kya ki pise bhi to kyun hina na bane

tamam 'umr jale dagh-e-lala ki manind

ye KHair guzri sharara bane saba na bane

wo KHizr-pesha bhi manzil se be-KHabar nikle

rahe jo sirf musafir hi rasta na bane

nawazishon ke liye dhup DhunDti kis ko

sulagte dasht mein mamnun-e-yak-rida na bane

ghurur-e-dard ki tauhin thi tamanna bhi

dahan-e-zaKHm bane hum lab-e-du’a na bane

tum ek nazar mein KHuda ban gaye mohabbat ke

hamein hasinon ne puja to dewta na bane

tumhaare sath bhi laDna paDa andheron se

tumhaare gesu-e-shab-tab bhi ziya na bane

siyah-posh ujalon mein luT gaye tanha

jo the sharik-e-safar wo bhi ham-nawa na bane

ana ne sath na chhoDa ki ro bhi lete hum

du’a-e-gham to bane gham ki iltija na bane

saliqa aa to gaya bekasi mein marne ka

gila nahin wo 'naimi' ka aasra na bane