pahle kuchh roz kisi tarh judai kaTi
pahle kuchh roz kisī tarh judā.ī kaaTī
rail ne donoñ badan kī phir udāsī kaaTī
tum zabāñ kaaTo hamārī hai ijāzat jānāñ
par ḳhabar-dār agar baat hamārī kaaTī
'ishq ne pahle hamārā bhī bahut dhyān rakhā
ham ne bhī pahle pahal ḳhuub malā.ī kaaTī
us ne bhī rote hue phone hamārā kaaTā
ham ne bhī apnī mohabbat kī kalā.ī kaaTī
kyā pata kitne 'adad peT kaTeñge is meñ
kahne ko ek hī labour kī dihāḌī kaaTī
itnā hamdard kueñ tak mujhe aane bhī diyā
itnā zālim ki mire aate hī rassī kaaTī
pahle kuchh roz kisi tarh judai kaTi
rail ne donon badan ki phir udasi kaTi
tum zaban kaTo hamari hai ijazat jaanan
par KHabar-dar agar baat hamari kaTi
'ishq ne pahle hamara bhi bahut dhyan rakha
hum ne bhi pahle pahal KHub malai kaTi
us ne bhi rote hue phone hamara kaTa
hum ne bhi apni mohabbat ki kalai kaTi
kya pata kitne 'adad peT kaTenge is mein
kahne ko ek hi labour ki dihaDi kaTi
itna hamdard kuen tak mujhe aane bhi diya
itna zalim ki mere aate hi rassi kaTi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
