narm lahje mein hukm jari hai
narm lahje meñ hukm jaarī hai
vaah kyā ḳhuub inkisārī hai
qatl karte haiñ dete haiñ pursa
kitnī dil-chasp ġham-gusārī hai
muskurā kar ġhamoñ se milte haiñ
kyā kareñ paas vaz'-dārī hai
dard ban kar sisaktī hai har pal
zindagī phir bhī kitnī pyārī hai
tū hai shā'ir to phir jagā sab ko
tere sar par ye zimme-dārī hai
kis tarah ham samajh sakeñ us ko
us kā lahja to kārobārī hai
tum ko shāyad patā nahīñ hai 'azīz'
vaqt kitnā baḌā madārī hai
narm lahje mein hukm jari hai
wah kya KHub inkisari hai
qatl karte hain dete hain pursa
kitni dil-chasp gham-gusari hai
muskura kar ghamon se milte hain
kya karen pas waz'-dari hai
dard ban kar sisakti hai har pal
zindagi phir bhi kitni pyari hai
tu hai sha'ir to phir jaga sab ko
tere sar par ye zimme-dari hai
kis tarah hum samajh saken us ko
us ka lahja to karobari hai
tum ko shayad pata nahin hai 'aziz'
waqt kitna baDa madari hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
