khulenge jab talak asrar koi

khuleñge jab talak asrār koī

utar jā.egā dariyā paar koī

masīhā der hotī jā rahī hai

kahīñ mar jā.egā bīmār koī

maiñ reza reza hotā jā rahā huuñ

mujhe darkār hai me'mār koī

maiñ shab bhar toḌtā rahtā huuñ is ko

uThā detā hai phir dīvār koī

mujhe maqtal sadā.eñ de rahā hai

kahīñ gūñjī hai phir lalkār koī

laḌā huuñ jis tarah maiñ ḳhud se tanhā

havā hai barsar-e-paikār koī

ye merā des hai jannat ḳhudā kī

hai vāris koī dā'vedār koī

kisī ne qaid kar liiñ fāḳhtā.eñ

uThā kar le gayā ashjār koī

mirā ik dard ye bhī hai ki merā

kahānī meñ nahīñ kirdār koī

to kyā maiñ bhī banātā dā.ere hī

jo mil jaatī mujhe parkār koī

khulenge jab talak asrar koi

utar jaega dariya par koi

masiha der hoti ja rahi hai

kahin mar jaega bimar koi

main reza reza hota ja raha hun

mujhe darkar hai me'mar koi

main shab bhar toDta rahta hun is ko

uTha deta hai phir diwar koi

mujhe maqtal sadaen de raha hai

kahin gunji hai phir lalkar koi

laDa hun jis tarah main KHud se tanha

hawa hai barsar-e-paikar koi

ye mera des hai jannat KHuda ki

hai waris koi da'wedar koi

kisi ne qaid kar lin faKHtaen

uTha kar le gaya ashjar koi

mera ek dard ye bhi hai ki mera

kahani mein nahin kirdar koi

to kya main bhi banata daere hi

jo mil jati mujhe parkar koi