kahan jazbaat mein hum bah rahe hain
kahāñ jazbāt meñ ham bah rahe haiñ
jo kahnā thā vahī to keh rahe haiñ
kisī se kyā gilā shikva kareñ ham
ye dukh virse ke haiñ jo sah rahe haiñ
bachā sakte ho to is ko bachā lo
makāñ insāniyat ke Dhah rahe haiñ
hue haiñ kab abhī aape se bāhar
abhī ham apne andar rah rahe haiñ
zamāna ho rahā hai kyuuñ muḳhālif
tumheñ apnā agar ham keh rahe haiñ
yahāñ insān hai insāñ kā dushman
ye kis duniyā meñ ham ab rah rahe haiñ
kahan jazbaat mein hum bah rahe hain
jo kahna tha wahi to keh rahe hain
kisi se kya gila shikwa karen hum
ye dukh wirse ke hain jo sah rahe hain
bacha sakte ho to is ko bacha lo
makan insaniyat ke Dhah rahe hain
hue hain kab abhi aape se bahar
abhi hum apne andar rah rahe hain
zamana ho raha hai kyun muKHalif
tumhein apna agar hum keh rahe hain
yahan insan hai insan ka dushman
ye kis duniya mein hum ab rah rahe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
