jab kabhi us se samna hoga
jab kabhī us se sāmnā hogā
dard āñkhoñ se bah rahā hogā
us kī āvāz sun kar aisā lagā
vo bahut duur jā chukā hogā
tum bahut der kar chukī hoñgī
aur mujhe hijr khā chukā hogā
merī hālat pe muskurātā hai
kaisī miTTī se vo banā hogā
jo tirī justujū meñ ḳhaak huā
us ne kyā kyā nahīñ sahā hogā
aisī hālat meñ chhoḌ aayā use
har koī us se pūchhtā hogā
zulf zanjīr ban chukī hogī
jaane vaalā na jā sakā hogā
jab kabhi us se samna hoga
dard aankhon se bah raha hoga
us ki aawaz sun kar aisa laga
wo bahut dur ja chuka hoga
tum bahut der kar chuki hongi
aur mujhe hijr kha chuka hoga
meri haalat pe muskuraata hai
kaisi miTTi se wo bana hoga
jo teri justuju mein KHak hua
us ne kya kya nahin saha hoga
aisi haalat mein chhoD aaya use
har koi us se puchhta hoga
zulf zanjir ban chuki hogi
jaane wala na ja saka hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
