fan mein ye mojiza bhi paida kar
fan meñ ye mo'jiza bhī paidā kar
pattharoñ se bashar tarāshā kar
kab se apnī talāsh meñ gum huuñ
ai ḳhudā mujh ko mujh pe ifshā kar
us pe ab uñgliyāñ uThātā huuñ
jis ko māñgā thā haath phailā kar
ek tanhā shajar ne mujh se kahā
mere saa.e meñ roz baiThā kar
jal chukā shahr mar chuke baasī
ab bujhī raakh hī kuredā kar
'umr bhar mujh pe barf barsī hai
dasht kī dhuup mujh pe saayā kar
dard kī rut hai rang par 'mohsin'
shahr-dar-shahr zaḳhm bechā kar
fan mein ye mo'jiza bhi paida kar
pattharon se bashar tarasha kar
kab se apni talash mein gum hun
ai KHuda mujh ko mujh pe ifsha kar
us pe ab ungliyan uThata hun
jis ko manga tha hath phaila kar
ek tanha shajar ne mujh se kaha
mere sae mein roz baiTha kar
jal chuka shahr mar chuke basi
ab bujhi rakh hi kureda kar
'umr bhar mujh pe barf barsi hai
dasht ki dhup mujh pe saya kar
dard ki rut hai rang par 'mohsin'
shahr-dar-shahr zaKHm becha kar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
