dil ki jo dastan hai diwan hi mein hai
dil kī jo dāstān hai dīvān hī meñ hai
zaḳhmoñ kī kā.enāt bhī muskān hī meñ hai
vaise to nibh rahī hai rafīqoñ se Thīk-Thāk
be-gāngī kā moḌ bhī imkān hī meñ hai
hai ehtiyāt lāzmī chāhe jahāñ bhī hoñ
shaitān bhī chhupā huā insān hī meñ hai
un se qarīb ho gaye mere sabhī raqīb
merā shumār aaj bhī anjān hī meñ hai
ham nek kaam kar ke bhī bad-nām ho gaye
be-zā.eqa gunāh ye ehsān hī meñ hai
shāmil taḌap na ho to maza 'ishq meñ kahāñ
'e'jāz' asl zā.iqa haijān hī meñ hai
dil ki jo dastan hai diwan hi mein hai
zaKHmon ki kaenat bhi muskan hi mein hai
waise to nibh rahi hai rafiqon se Thik-Thak
be-gangi ka moD bhi imkan hi mein hai
hai ehtiyat lazmi chahe jahan bhi hon
shaitan bhi chhupa hua insan hi mein hai
un se qarib ho gaye mere sabhi raqib
mera shumar aaj bhi anjaan hi mein hai
hum nek kaam kar ke bhi bad-nam ho gaye
be-zaeqa gunah ye ehsan hi mein hai
shamil taDap na ho to maza 'ishq mein kahan
'e'jaz' asl zaiqa haijaan hi mein hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
