dekhte kya ho dida-e-tar mein
dekhte kyā ho dīda-e-tar meñ
ġham kī duniyā hai is samundar meñ
dil jo TuuTā to ye huā mā'lūm
jaan paḌtī nahīñ hai patthar meñ
un kī āñkhoñ se jaam piite haiñ
mai-kada aa gayā mire ghar meñ
dard de kar davā bhī detā hai
kaisī ḳhūbī hai us sitam-gar meñ
raas aane lagī hai tanhā.ī
paḌ ga.e ho kisī ke chakkar meñ
tum se āzād maiñ na ho paayā
maut ne kar diyā hai pal bhar meñ
us ko kaise bhulā.ūñgā maiñ 'nizām'
dil kī duniyā hai mere dil-bar meñ
dekhte kya ho dida-e-tar mein
gham ki duniya hai is samundar mein
dil jo TuTa to ye hua ma'lum
jaan paDti nahin hai patthar mein
un ki aankhon se jam pite hain
mai-kada aa gaya mere ghar mein
dard de kar dawa bhi deta hai
kaisi KHubi hai us sitam-gar mein
ras aane lagi hai tanhai
paD gae ho kisi ke chakkar mein
tum se aazad main na ho paya
maut ne kar diya hai pal bhar mein
us ko kaise bhulaunga main 'nizam'
dil ki duniya hai mere dil-bar mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
