dard-e-dil ki dawa nahin koi
dard-e-dil kī davā nahīñ koī
is se behtar sazā nahīñ koī
hijr hī se hameñ guzarnā hai
kyā nayā rāsta nahīñ koī
husn meñ mubtalā hai har ik shaḳhs
'ishq meñ mubtalā nahīñ koī
chāñd ke misl vo hasīñ chehra
ab use dekhtā nahīñ koī
zaḳhm saare unhīñ ke bā'is haiñ
yaar phir bhī gila nahīñ koī
'ishq hī sirf thā mujhe 'dānish'
aur merī ḳhatā nahīñ koī
dard-e-dil ki dawa nahin koi
is se behtar saza nahin koi
hijr hi se hamein guzarna hai
kya naya rasta nahin koi
husn mein mubtala hai har ek shaKHs
'ishq mein mubtala nahin koi
chand ke misl wo hasin chehra
ab use dekhta nahin koi
zaKHm sare unhin ke ba'is hain
yar phir bhi gila nahin koi
'ishq hi sirf tha mujhe 'danish'
aur meri KHata nahin koi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
