dahlizon par dip jalane aai to hai diwali
dahlīzoñ par diip jalāne aa.ī to hai dīvālī
phir bhī āñkhoñ ke āñgan haiñ bilkul ḳhālī-ḳhālī
in pe tumhāre naam likhe haiñ ye chehre mat dekho
bhāgo un malboñ se bhī jin meñ dafn hai in kī bahālī
jin se ham ne junūñ sīkhā thā un kā haal hai aisā
ab kashkol haiñ āñkheñ un kī un ke haath savālī
kaise koī tasvīr banā.ūñ rang uḌe jaate haiñ
ghole kitne rang magar hai chāñd kā pyāla ḳhālī
phir khiḌkī se jhāñk ke chāñd ne pochhā tum kaise ho
phir mere hisse meñ aa.iiñ rāteñ yādoñ vaalī
dahlizon par dip jalane aai to hai diwali
phir bhi aankhon ke aangan hain bilkul KHali-KHali
in pe tumhaare nam likhe hain ye chehre mat dekho
bhago un malbon se bhi jin mein dafn hai in ki bahaali
jin se hum ne junun sikha tha un ka haal hai aisa
ab kashkol hain aankhen un ki un ke hath sawali
kaise koi taswir banaun rang uDe jate hain
ghole kitne rang magar hai chand ka pyala KHali
phir khiDki se jhank ke chand ne pochha tum kaise ho
phir mere hisse mein aain raaten yaadon wali
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
