wasf karte hain zulf-e-yar ka hum
vasf karte haiñ zulf-e-yār kā ham
rāsta DhūñDte haiñ daar kā ham
baat kahte haiñ ham ḳhudā-lagtī
ḳhauf karte nahīñ haiñ daar kā ham
dast-e-gul-chīñ meñ hai nizām-e-chaman
zikr kaise kareñ bahār kā ham
ham nishān-e-bahār-e-manzil haiñ
kyuuñ ta'āqub kareñ ġhubār kā ham
ik na ik din talāsh kar leñge
'nūr' pahlū koī qarār kā ham
wasf karte hain zulf-e-yar ka hum
rasta DhunDte hain dar ka hum
baat kahte hain hum KHuda-lagti
KHauf karte nahin hain dar ka hum
dast-e-gul-chin mein hai nizam-e-chaman
zikr kaise karen bahaar ka hum
hum nishan-e-bahaar-e-manzil hain
kyun ta'aqub karen ghubar ka hum
ek na ek din talash kar lenge
'nur' pahlu koi qarar ka hum
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
