chahat wafa KHulus ye KHushbu yahan ki hai
chāhat vafā ḳhulūs ye ḳhushbū yahāñ kī hai
kitnī hasīñ fazā mire hindostāñ kī hai
sūraj sitāre chāñd gulistān-o-kahkashāñ
ḳhilqat ye jitnī hai sabhī rabb-e-jahāñ kī hai
ye sach hai aur bhī haiñ zabāneñ magar suno
hindostāñ meñ dhuum hamārī zabāñ kī hai
bulbul chahak chahak ke sunāne lagā hai giit
uTh jaao momino ye sadā ab azaañ kī hai
paidā huī yahīñ pe yahīñ par javāñ huī
urdu zabāñ hamārī ye hindostāñ kī hai
mahfil mahaktī rahtī hai lafzoñ ke phuul se
'mehrū' tirī ġhazal meñ ye ḳhushbū kahāñ kī hai
chahat wafa KHulus ye KHushbu yahan ki hai
kitni hasin faza mere hindostan ki hai
suraj sitare chand gulistan-o-kahkashan
KHilqat ye jitni hai sabhi rabb-e-jahan ki hai
ye sach hai aur bhi hain zabanen magar suno
hindostan mein dhum hamari zaban ki hai
bulbul chahak chahak ke sunane laga hai git
uTh jao momino ye sada ab azan ki hai
paida hui yahin pe yahin par jawan hui
urdu zaban hamari ye hindostan ki hai
mahfil mahakti rahti hai lafzon ke phul se
'mehru' teri ghazal mein ye KHushbu kahan ki hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
