guftugu mein rawani hoti hai
guftugū meñ ravānī hotī hai
jab tumhārī kahānī hotī hai
she'r lagte haiñ mujh ko phal jaise
us taraf bāġhbānī hotī hai
mash'al-e-yād jaltī hai aksar
raat har ik suhānī hotī hai
'ishq meñ dil kabhī nahīñ lagtā
maut kī ye nishānī hotī hai
ḳhat tire roz paḌhtā rahtā huuñ
aa.e din ḳhūñ-fishānī hotī hai
ye buḌhāpe meñ jaan paayā huuñ
nā-tavāñ kyuuñ javānī hotī hai
shā'irī kuchh nahīñ ba-juz is ke
ruuh kī tarjumānī hotī hai
zindagī hotī hai qazā 'maqsūd'
maut hī zindagānī hotī hai
guftugu mein rawani hoti hai
jab tumhaari kahani hoti hai
she'r lagte hain mujh ko phal jaise
us taraf baghbani hoti hai
mash'al-e-yaad jalti hai aksar
raat har ek suhani hoti hai
'ishq mein dil kabhi nahin lagta
maut ki ye nishani hoti hai
KHat tere roz paDhta rahta hun
aae din KHun-fishani hoti hai
ye buDhape mein jaan paya hun
na-tawan kyun jawani hoti hai
sha'iri kuchh nahin ba-juz is ke
ruh ki tarjumani hoti hai
zindagi hoti hai qaza 'maqsud'
maut hi zindagani hoti hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
