sab ye samjhe hai charagh-e-raushni qindil mein

sab ye samjhe hai charāġh-e-raushnī qindīl meñ

dar-haqīqat hai numāyāñ zindagī qindīl meñ

shab ke sannāTe ujāloñ ko nigal sakte nahīñ

sub.h tak jalne kī himmat hai abhī qindīl meñ

bujh gayā ho āñdhiyoñ se gar charāġh-e-āshiyāñ

DhūñDhiye phir raushnī ummīd kī qindīl meñ

hādsoñ kī zad meñ aa kar hausla khonā nahīñ

hai nazar to dekh lo zinda-dilī qindīl meñ

ham to sunte the ki kamroñ sī ghuTan us meñ nahīñ

dam sā kyuuñ ghuTne lagā jab saañs lī qindīl meñ

der tak maiñ chhāñv meñ us peḌ kī sotā rahā

jis kī chhat par jal rahī thī zindagī qindīl meñ

apnī tanhā.ī se 'āzar' tum gila karnā nahīñ

jaane kitne gul khile haiñ ajnabī qindīl meñ

sab ye samjhe hai charagh-e-raushni qindil mein

dar-haqiqat hai numayan zindagi qindil mein

shab ke sannaTe ujalon ko nigal sakte nahin

subh tak jalne ki himmat hai abhi qindil mein

bujh gaya ho aandhiyon se gar charagh-e-ashiyan

DhunDhiye phir raushni ummid ki qindil mein

hadson ki zad mein aa kar hausla khona nahin

hai nazar to dekh lo zinda-dili qindil mein

hum to sunte the ki kamron si ghuTan us mein nahin

dam sa kyun ghuTne laga jab sans li qindil mein

der tak main chhanw mein us peD ki sota raha

jis ki chhat par jal rahi thi zindagi qindil mein

apni tanhai se 'azar' tum gila karna nahin

jaane kitne gul khile hain ajnabi qindil mein