chaman main rang-e-bahaar utra to maine dekha

chaman maiñ rañg-e-bahār utrā to maiñ ne dekhā

nazar se dil kā ġhubār utrā to maiñ ne dekhā

maiñ nīm-shab āsmāñ kī vus.at ko dekhtā thā

zamīñ pe vo husn-zār utrā to maiñ ne dekhā

galī ke bāhar tamām manzar badal ga.e the

jo sāya-e-kū-e-yār utrā to maiñ ne dekhā

ḳhumār-e-mai meñ vo chehra kuchh aur lag rahā thā

dam-e-sahar jab ḳhumār utrā to maiñ ne dekhā

ik aur dariyā kā sāmnā thā 'munīr' mujh ko

maiñ ek dariyā ke paar utrā to maiñ ne dekhā

chaman main rang-e-bahaar utra to main ne dekha

nazar se dil ka ghubar utra to main ne dekha

main nim-shab aasman ki wusat ko dekhta tha

zamin pe wo husn-zar utra to main ne dekha

gali ke bahar tamam manzar badal gae the

jo saya-e-ku-e-yar utra to main ne dekha

KHumar-e-mai mein wo chehra kuchh aur lag raha tha

dam-e-sahar jab KHumar utra to main ne dekha

ek aur dariya ka samna tha 'munir' mujh ko

main ek dariya ke par utra to main ne dekha