chamak rahi hai paron mein uDan ki KHushbu

chamak rahī hai paroñ meñ uḌaan kī ḳhushbū

bulā rahī hai bahut āsmān kī ḳhushbū

bhaTak rahī hai purānī dulā.iyāñ oḌhe

haveliyoñ meñ mire ḳhāndān kī ḳhushbū

sunā ke koī kahānī hameñ sulātī thī

duāoñ jaisī baḌe pān-dān kī ḳhushbū

dabā thā phuul koī mez-posh ke nīche

garaj rahī thī bahut pechvān kī ḳhushbū

ajab vaqār thā sūkhe sunahre bāloñ meñ

udāsiyoñ kī chamak zard lawn kī ḳhushbū

vo itr-dān sā lahja mire buzurgoñ kā

rachī-basī huī urdu zabān kī ḳhushbū

ġhazal kī shāḳh pe ik phuul khilne vaalā hai

badan se aane lagī za.afrān kī ḳhushbū

imāratoñ kī bulandī pe koī mausam kyā

kahāñ se aa ga.ī kachche makān kī ḳhushbū

guloñ pe likhtī huī lā-ilāha-illallāh

pahāḌiyoñ se utartī azaan kī ḳhushbū

chamak rahi hai paron mein uDan ki KHushbu

bula rahi hai bahut aasman ki KHushbu

bhaTak rahi hai purani dulaiyan oDhe

haweliyon mein mere KHandan ki KHushbu

suna ke koi kahani hamein sulati thi

duaon jaisi baDe pan-dan ki KHushbu

daba tha phul koi mez-posh ke niche

garaj rahi thi bahut pechwan ki KHushbu

ajab waqar tha sukhe sunahre baalon mein

udasiyon ki chamak zard lawn ki KHushbu

wo itr-dan sa lahja mere buzurgon ka

rachi-basi hui urdu zaban ki KHushbu

ghazal ki shaKH pe ek phul khilne wala hai

badan se aane lagi zafran ki KHushbu

imaraton ki bulandi pe koi mausam kya

kahan se aa gai kachche makan ki KHushbu

gulon pe likhti hui la-ilaha-illallah

pahaDiyon se utarti azan ki KHushbu