kuchh faede bhi hote hain ujDe makan ke
kuchh fā.ede bhī hote haiñ ujḌe makān ke
alfāz is meñ gūñjte haiñ raftagān ke
ai chāñd is meñ terī bhī sāzish zarūr hai
taare kidhar ga.e haiñ mire āsmān ke
uḌ jā.egā yaqīn ke piñjre ko toḌ kar
thoḌe se par nikalne do vahm-o-gumān ke
ġhazleñ mirī bachā lo bure vaqt ke liye
alfāz bech Dālnā mujh be-zabān ke
karbal kī ret dekh ke itne the mutma.in
jaise ki muntazir hoñ isī imtihān ke
ik baar mere lafzoñ ko paḌh kar zabān se
kirdār zinda kar do mirī dāstān ke
itnā asar to rakhtī hai maañ kī du'ā 'alī'
dekhe haiñ maiñ ne khulte kivāḌ āsmān ke
kuchh faede bhi hote hain ujDe makan ke
alfaz is mein gunjte hain raftagan ke
ai chand is mein teri bhi sazish zarur hai
tare kidhar gae hain mere aasman ke
uD jaega yaqin ke pinjre ko toD kar
thoDe se par nikalne do wahm-o-guman ke
ghazlen meri bacha lo bure waqt ke liye
alfaz bech Dalna mujh be-zaban ke
karbal ki ret dekh ke itne the mutmain
jaise ki muntazir hon isi imtihan ke
ek bar mere lafzon ko paDh kar zaban se
kirdar zinda kar do meri dastan ke
itna asar to rakhti hai man ki du'a 'ali'
dekhe hain main ne khulte kiwaD aasman ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
