chand bhi nikla sitare bhi barabar nikle
chāñd bhī niklā sitāre bhī barābar nikle
mujh se achchhe to shab-e-ġham ke muqaddar nikle
shaam hote hī barasne lage kaale bādal
sub.h-dam log darīchoñ meñ khule sar nikle
kal hī jin ko tirī palkoñ pe kahīñ dekhā thā
raat usī tarah ke taare mirī chhat par nikle
dhuup sāvan kī bahut tez hai dil Dūbtā hai
us se kah do ki abhī ghar se na bāhar nikle
pyaar kī shāḳh to jaldī hī samar le aa.ī
dard ke phuul baḌī der meñ jā kar nikle
dil-e-hañgāma-talab ye bhī ḳhabar hai tujh ko
muddateñ ho ga.iiñ ik shaḳhs ko bāhar nikle
chand bhi nikla sitare bhi barabar nikle
mujh se achchhe to shab-e-gham ke muqaddar nikle
sham hote hi barasne lage kale baadal
subh-dam log darichon mein khule sar nikle
kal hi jin ko teri palkon pe kahin dekha tha
raat usi tarah ke tare meri chhat par nikle
dhup sawan ki bahut tez hai dil Dubta hai
us se kah do ki abhi ghar se na bahar nikle
pyar ki shaKH to jaldi hi samar le aai
dard ke phul baDi der mein ja kar nikle
dil-e-hangama-talab ye bhi KHabar hai tujh ko
muddaten ho gain ek shaKHs ko bahar nikle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
