bura mat man itna hausla achchha nahin lagta
burā mat maan itnā hausla achchhā nahīñ lagtā
ye uThte baiThte zikr-e-vafā achchhā nahīñ lagtā
jahāñ le jaanā hai le jaa.e aa kar ek phere meñ
ki har dam kā taqāzā-e-havā achchhā nahīñ lagtā
samajh meñ kuchh nahīñ aatā samundar jab bulātā hai
kisī sāhil kā koī mashvara achchhā nahīñ lagtā
jo honā hai so donoñ jānte haiñ phir shikāyat kyā
ye be-masraf ḳhatoñ kā silsila achchhā nahīñ lagtā
ab aise hone ko bāteñ to aisī roz hotī haiñ
koī jo dūsrā bole zarā achchhā nahīñ lagtā
hamesha hañs nahīñ sakte ye to ham bhī samajhte haiñ
har ik mahfil meñ muñh laTkā huā achchhā nahīñ lagtā
bura mat man itna hausla achchha nahin lagta
ye uThte baiThte zikr-e-wafa achchha nahin lagta
jahan le jaana hai le jae aa kar ek phere mein
ki har dam ka taqaza-e-hawa achchha nahin lagta
samajh mein kuchh nahin aata samundar jab bulata hai
kisi sahil ka koi mashwara achchha nahin lagta
jo hona hai so donon jaante hain phir shikayat kya
ye be-masraf KHaton ka silsila achchha nahin lagta
ab aise hone ko baaten to aisi roz hoti hain
koi jo dusra bole zara achchha nahin lagta
hamesha hans nahin sakte ye to hum bhi samajhte hain
har ek mahfil mein munh laTka hua achchha nahin lagta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
