bichhaD ke tujhse kisi dusre pe marna hai
bichhaḌ ke tujh se kisī dūsre pe marnā hai
ye tajraba bhī isī zindagī meñ karnā hai
havā daraḳhtoñ se kahtī hai dukh ke lahje meñ
abhī mujhe ka.ī sahrāoñ se guzarnā hai
maiñ manzaroñ ke ghane-pan se ḳhauf khātā huuñ
fanā ko dast-e-mohabbat yahāñ bhī dharnā hai
talāsh-e-rizq meñ dariyā ke panchhiyoñ kī tarah
tamām umr mujhe Dūbnā ubharnā hai
udāsiyoñ ke ḳhad-o-ḳhāl se jo vāqif ho
ik aise shaḳhs ko aksar talāsh karnā hai
bichhaD ke tujh se kisi dusre pe marna hai
ye tajraba bhi isi zindagi mein karna hai
hawa daraKHton se kahti hai dukh ke lahje mein
abhi mujhe kai sahraon se guzarna hai
main manzaron ke ghane-pan se KHauf khata hun
fana ko dast-e-mohabbat yahan bhi dharna hai
talash-e-rizq mein dariya ke panchhiyon ki tarah
tamam umr mujhe Dubna ubharna hai
udasiyon ke KHad-o-KHal se jo waqif ho
ek aise shaKHs ko aksar talash karna hai
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
