bhole ban kar haal na puchho bahte hain ashk to bahne do

bhole ban kar haal na pūchho bahte haiñ ashk to bahne do

jis se baḌhe bechainī dil kī aisī tasallī rahne do

rasmeñ is andher-nagar kī na.ī nahīñ ye purānī haiñ

mehr pe Daalo raat kā parda maah ko raushan rahne do

ruuh nikal kar bāġh-e-jahāñ se bāġh-e-jināñ meñ jā pahuñche

chehre pe apne merī nigāheñ itnī der to rahne do

ḳhanda-e-gul bulbul meñ hogā gul meñ naġhma bulbul kā

qissa ek zabāneñ do haiñ aap kaho yā kahne do

itnā junūn-e-shauq diyā kyuuñ ḳhauf jo thā rusvā.ī kā

baat karo ḳhud qābil-e-shikva ulTe mujh ko rahne do

bhole ban kar haal na puchho bahte hain ashk to bahne do

jis se baDhe bechaini dil ki aisi tasalli rahne do

rasmen is andher-nagar ki nai nahin ye purani hain

mehr pe Dalo raat ka parda mah ko raushan rahne do

ruh nikal kar bagh-e-jahan se bagh-e-jinan mein ja pahunche

chehre pe apne meri nigahen itni der to rahne do

KHanda-e-gul bulbul mein hoga gul mein naghma bulbul ka

qissa ek zabanen do hain aap kaho ya kahne do

itna junun-e-shauq diya kyun KHauf jo tha ruswai ka

baat karo KHud qabil-e-shikwa ulTe mujh ko rahne do