bhagne ka koi rasta nahin rahne dete
bhāgne kā koī rasta nahīñ rahne dete
koī dar koī darīcha nahīñ rahne dete
āsmāñ par se miTā dete haiñ tāroñ kā surāġh
ret par naqsh-e-kaf-e-pā nahīñ rahne dete
koī tasvīr mukammal nahīñ hone paatī
dhuup dete haiñ to saayā nahīñ rahne dete
pahle bhar dete haiñ sāmān-e-do-ālam dil meñ
phir kisī shai kī tamannā nahīñ rahne dete
shahr-e-korāñ meñ bhī ā.īna farosh aate haiñ
be-tajallī koī qarya nahīñ rahne dete
tūr-e-sīnā ho ki ātish-kada-e-soz-e-nihāñ
raakh rah jaatī hai sho.ala nahīñ rahne dete
bhagne ka koi rasta nahin rahne dete
koi dar koi daricha nahin rahne dete
aasman par se miTa dete hain taron ka suragh
ret par naqsh-e-kaf-e-pa nahin rahne dete
koi taswir mukammal nahin hone pati
dhup dete hain to saya nahin rahne dete
pahle bhar dete hain saman-e-do-alam dil mein
phir kisi shai ki tamanna nahin rahne dete
shahr-e-koran mein bhi aaina farosh aate hain
be-tajalli koi qarya nahin rahne dete
tur-e-sina ho ki aatish-kada-e-soz-e-nihan
rakh rah jati hai shoala nahin rahne dete
- Book : Auraaq-e-Khezani (Pg. 23)
- Author : Ahmad Mushtaq
- Publication : Rekhta Foundation (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
