tohmat lagi hai KHun pasine ke baad bhi

tohmat lagī hai ḳhuun pasīne ke baa'd bhī

ham be-vafā haiñ hoñToñ ko siine ke baa'd bhī

ḳhud apne Dūbne kā to mujh ko nahīñ malāl

tūfāñ uTheñge mere safīne ke baa'd bhī

mahfil meñ un kī khul gayā dil kā mu'āmla

palkoñ pe ashk rah gaye piine ke baa'd bhī

ham bul-havas hī Thahre kisī kī nigāh meñ

andāz-e-guftugū meñ qarīne ke baa'd bhī

mai se bhī terī yaad ke sho'le na bujh sake

ik tishnagī sī rahtī hai piine ke baa'd bhī

'muztar' hamāre saath ke bīmār uTh gaye

ham zindagī ko rote haiñ jiine ke baa'd bhī

tohmat lagi hai KHun pasine ke ba'd bhi

hum be-wafa hain honTon ko sine ke ba'd bhi

KHud apne Dubne ka to mujh ko nahin malal

tufan uThenge mere safine ke ba'd bhi

mahfil mein un ki khul gaya dil ka mu'amla

palkon pe ashk rah gaye pine ke ba'd bhi

hum bul-hawas hi Thahre kisi ki nigah mein

andaz-e-guftugu mein qarine ke ba'd bhi

mai se bhi teri yaad ke sho'le na bujh sake

ek tishnagi si rahti hai pine ke ba'd bhi

'muztar' hamare sath ke bimar uTh gaye

hum zindagi ko rote hain jine ke ba'd bhi