phul zaKHmon ke chun raha hun main
phuul zaḳhmoñ ke chun rahā huuñ maiñ
dāstāñ ġham kī sun rahā huuñ maiñ
ḳhāmoshī kī udaas rāhoñ meñ
terī āvāz sun rahā huuñ maiñ
'ishq dīmak-zada huā jab se
ek ik lamha ghun rahā huuñ maiñ
be-vafāoñ se 'ishq kar kar ke
apne hī sar ko dhun rahā huuñ maiñ
abhī āñkhoñ meñ niiñd hai 'najmī'
abhī kuchh ḳhvāb bun rahā huuñ maiñ
phul zaKHmon ke chun raha hun main
dastan gham ki sun raha hun main
KHamoshi ki udas rahon mein
teri aawaz sun raha hun main
'ishq dimak-zada hua jab se
ek ek lamha ghun raha hun main
be-wafaon se 'ishq kar kar ke
apne hi sar ko dhun raha hun main
abhi aankhon mein nind hai 'najmi'
abhi kuchh KHwab bun raha hun main
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
