na shikwa tha na koi gham kabhi meri kahani mein

na shikva thā na koī ġham kabhī merī kahānī meñ

achānak aa ga.e tūfāñ ka.ī is zindagānī meñ

jo apnā thā parāyā ho gayā mujh se vo pal bhar meñ

isī ke ġham meñ būḌhā ho gayā huuñ naujavānī meñ

kisī din chāñd ban kar jān-e-jāñ aa jaao mere ghar

karūñgā maiñ kushāda dil ko terī mezbānī meñ

sunā thā ye mohabbat karne vaale kuchh na kar paa.e

mohabbat kī kahānī ne lagā.ī aag paanī meñ

chalo ik dūsre kā haath thāme saath chalte haiñ

rahegā kaun zinda 'mauj' is duniyā-e-fānī meñ

na shikwa tha na koi gham kabhi meri kahani mein

achanak aa gae tufan kai is zindagani mein

jo apna tha paraya ho gaya mujh se wo pal bhar mein

isi ke gham mein buDha ho gaya hun naujawani mein

kisi din chand ban kar jaan-e-jaan aa jao mere ghar

karunga main kushada dil ko teri mezbani mein

suna tha ye mohabbat karne wale kuchh na kar pae

mohabbat ki kahani ne lagai aag pani mein

chalo ek dusre ka hath thame sath chalte hain

rahega kaun zinda 'mauj' is duniya-e-fani mein