mujhe pagal banane lag gae hain

mujhe pāgal banāne lag ga.e haiñ

vo phir nazdīk aane lag ga.e haiñ

jo aa.e the jahāñ meñ rote rote

vo bachche muskurāne lag ga.e haiñ

kabhī yuuñ muñh banā kar baiTh jaanā

kabhī ham ko manāne lag ga.e haiñ

tumhāre haath aisā lag rahā hai

mohabbat ke ḳhazāne lag ga.e haiñ

kisī ke husn kī sanjīdgī ko

samajhne meñ zamāne lag ga.e haiñ

jinheñ ham ne dikhā.ī saarī duniyā

hameñ āñkheñ dikhāne lag ga.e haiñ

unheñ pahlū meñ maiñ ne kyā biThāyā

baḌe naḳhre dikhāne lag ga.e haiñ

jo kal tak munhasir the mujh pe 'najmī'

vo ab dāman bachāne lag ga.e haiñ

mujhe pagal banane lag gae hain

wo phir nazdik aane lag gae hain

jo aae the jahan mein rote rote

wo bachche muskurane lag gae hain

kabhi yun munh bana kar baiTh jaana

kabhi hum ko manane lag gae hain

tumhaare hath aisa lag raha hai

mohabbat ke KHazane lag gae hain

kisi ke husn ki sanjidgi ko

samajhne mein zamane lag gae hain

jinhen hum ne dikhai sari duniya

hamein aankhen dikhane lag gae hain

unhen pahlu mein main ne kya biThaya

baDe naKHre dikhane lag gae hain

jo kal tak munhasir the mujh pe 'najmi'

wo ab daman bachane lag gae hain