mohabbat ka safar raste mein aadha chhoD dete hain
mohabbat ka safar raste mein aadha chhoD dete hain
Nizam Naushahi Sambhali
MORE BYNizam Naushahi Sambhali
mohabbat kā safar raste meñ aadhā chhoḌ dete haiñ
na.ī pīḌhī ke majnūñ apnī lailā chhoḌ dete haiñ
chamak zar-dār ke bañgle kī har din baḌhtī jaatī hai
paḌosī ke yahāñ lekin añdherā chhoḌ dete haiñ
tumheñ kaise chaman kā ham nigahbāñ muntaḳhab kar deñ
tumhāre ḳhauf se panchhī baserā chhoḌ dete haiñ
siyāsī log ham ko is liye achchhe nahīñ lagte
zabāneñ kaaT kar ye log gūñgā chhoḌ dete haiñ
mohabbat ke ye ranj-o-ġham baḌe zālim baḌe zālim
jo marnā chāhtā hai us ko zinda chhoḌ dete haiñ
'nizām' un se koī rishta nibhāne kī tavaqqo' kyā
jo maqsad puurā karte hī Thikāna chhoḌ dete haiñ
mohabbat ka safar raste mein aadha chhoD dete hain
nai piDhi ke majnun apni laila chhoD dete hain
chamak zar-dar ke bangle ki har din baDhti jati hai
paDosi ke yahan lekin andhera chhoD dete hain
tumhein kaise chaman ka hum nigahban muntaKHab kar den
tumhaare KHauf se panchhi basera chhoD dete hain
siyasi log hum ko is liye achchhe nahin lagte
zabanen kaT kar ye log gunga chhoD dete hain
mohabbat ke ye ranj-o-gham baDe zalim baDe zalim
jo marna chahta hai us ko zinda chhoD dete hain
'nizam' un se koi rishta nibhane ki tawaqqo' kya
jo maqsad pura karte hi Thikana chhoD dete hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
