main usko bhulne ke tasawwur se Dar gaya
maiñ us ko bhūlne ke tasavvur se Dar gayā
vo be-vafā thā saarī hadoñ se guzar gayā
us ne to yaad bhī na kiyā 'umr bhar mujhe
aur maiñ use bhulāne kī koshish meñ 'mar gayā
mash.hūr haiñ jahān meñ bas bevafā.iyāñ
maiñ ne to sirf baat kī aur vo ye kar gayā
vo dushmanoñ se jā milā anjām ye huā
maiñ dostoñ se haath milāne se Dar gayā
is dil se khel kar vo yuuñ uTh kar ke chal paḌā
bachche kā dil ho jaise khilaune se bhar gayā
sab us kā pūchhte haiñ to maiñ haal kyā kahūñ
us kī koī ḳhabar hī nahīñ vo kidhar gayā
main us ko bhulne ke tasawwur se Dar gaya
wo be-wafa tha sari hadon se guzar gaya
us ne to yaad bhi na kiya 'umr bhar mujhe
aur main use bhulane ki koshish mein 'mar gaya
mashhur hain jahan mein bas bewafaiyan
main ne to sirf baat ki aur wo ye kar gaya
wo dushmanon se ja mila anjam ye hua
main doston se hath milane se Dar gaya
is dil se khel kar wo yun uTh kar ke chal paDa
bachche ka dil ho jaise khilaune se bhar gaya
sab us ka puchhte hain to main haal kya kahun
us ki koi KHabar hi nahin wo kidhar gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
