kabhi hum ruTh jaen wo manana bhul jate hain
kabhī ham ruuTh jaa.eñ vo manānā bhuul jaate haiñ
mohabbat jab jatānī ho jatānā bhuul jaate haiñ
mohabbat ko tijārat hī banā Daalā hai logoñ ne
nayā sāthī jo chunte haiñ purānā bhuul jaate haiñ
diloñ ke un parindoñ se shikāyat kījiye kaise
mohabbat jin ko mil jaa.e Thikānā bhuul jaate haiñ
ḳhayāloñ hī ḳhayāloñ meñ ham un se milne jaate haiñ
magar jab lauT aanā ho to aanā bhuul jaate haiñ
vafā kī raah meñ 'saulat' diloñ kā rishta aisā hai
jahāñ dāman bachānā ho bachānā bhuul jaate haiñ
kabhi hum ruTh jaen wo manana bhul jate hain
mohabbat jab jatani ho jatana bhul jate hain
mohabbat ko tijarat hi bana Dala hai logon ne
naya sathi jo chunte hain purana bhul jate hain
dilon ke un parindon se shikayat kijiye kaise
mohabbat jin ko mil jae Thikana bhul jate hain
KHayalon hi KHayalon mein hum un se milne jate hain
magar jab lauT aana ho to aana bhul jate hain
wafa ki rah mein 'saulat' dilon ka rishta aisa hai
jahan daman bachana ho bachana bhul jate hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
