jin se sab dil lagae baiThe hain
jin se sab dil lagā.e baiThe haiñ
un se ham choT khaa.e baiThe haiñ
jin ke sapne meñ ham nahīñ aate
un ke sapne sajā.e baiThe haiñ
kyā kareñ ġhairoñ kī shikāyat ham
apnoñ se maat khaa.e baiThe haiñ
ab kisī se nahīñ umiid hameñ
sab ko ham āzmā.e baiThe haiñ
ham haiñ be-chain diid ho jaa.e
aur vo nazreñ churā.e baiThe haiñ
nam haiñ āñkheñ zabāñ bhī hai chup sī
kuchh vo dil meñ dabā.e baiThe haiñ
jin se sab dil lagae baiThe hain
un se hum choT khae baiThe hain
jin ke sapne mein hum nahin aate
un ke sapne sajae baiThe hain
kya karen ghairon ki shikayat hum
apnon se mat khae baiThe hain
ab kisi se nahin umid hamein
sab ko hum aazmae baiThe hain
hum hain be-chain did ho jae
aur wo nazren churae baiThe hain
nam hain aankhen zaban bhi hai chup si
kuchh wo dil mein dabae baiThe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
