dushmanon ke hi ab sahaare hain
dushmanoñ ke hī ab sahāre haiñ
jang apnoñ se aisī haare haiñ
mere nazdīk aur kuchh bhī nahīñ
tū hī tū hai tire nazāre haiñ
ab to vo duur tak nahīñ dikhte
vo jo kahte the ham tumhāre haiñ
ḳhair se ho gayā nikāh un kā
ḳhair se ham bhī ab kuñvāre haiñ
tum se milne kī aas meñ jānāñ
ham ne gin gin ke din guzāre haiñ
ham na badle the ham na badleñge
ham tumhāre the ham tumhāre haiñ
dushmanon ke hi ab sahaare hain
jang apnon se aisi haare hain
mere nazdik aur kuchh bhi nahin
tu hi tu hai tere nazare hain
ab to wo dur tak nahin dikhte
wo jo kahte the hum tumhaare hain
KHair se ho gaya nikah un ka
KHair se hum bhi ab kunware hain
tum se milne ki aas mein jaanan
hum ne gin gin ke din guzare hain
hum na badle the hum na badlenge
hum tumhaare the hum tumhaare hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
