baat ye ek be-wafa ki hai

baat ye ek be-vafā kī hai

jis pe ye zindagī fanā kī hai

ab koī bhī du'ā qubūl na ho

ab ḳhudā se yahī du'ā kī hai

ham ne ik dūsre se jī bhar ke

be-vafā.ī kī intihā kī hai

tum bhulā do mujhe mire hamdam

us ne ham se ye iltijā kī hai

roz jiite haiñ roz marte haiñ

zindagī hai ki haul-nākī hai

jis pe itnā gumān hai tum ko

vo faqat ek jism-e-ḳhākī hai

tum ko jī bhar ke dekh lete haiñ

kyā zarūrat hameñ davā kī hai

baat ye ek be-wafa ki hai

jis pe ye zindagi fana ki hai

ab koi bhi du'a qubul na ho

ab KHuda se yahi du'a ki hai

hum ne ek dusre se ji bhar ke

be-wafai ki intiha ki hai

tum bhula do mujhe mere hamdam

us ne hum se ye iltija ki hai

roz jite hain roz marte hain

zindagi hai ki haul-naki hai

jis pe itna guman hai tum ko

wo faqat ek jism-e-KHaki hai

tum ko ji bhar ke dekh lete hain

kya zarurat hamein dawa ki hai