ye sach to hai ki tumhaari kami khali mujhko
ye sach to hai ki tumhārī kamī khalī mujh ko
magar tumhārī zarūrat nahīñ paḌī mujh ko
maiñ jis se bhaag rahā thā tamām duniyā meñ
bhagā rahā hai jahāñ bhar meñ ab vahī mujh ko
jahāñ kī or jo khiḌkī hai band kar lī hai
satā rahī thī bahut koī raushnī mujh ko
ye kaun keh gayā mujh se ḳhayāl rakh apnā
ye zimme-dārī bhalā kis ne sauñp dī mujh ko
jo dukh milā hai mujhe vo kisī kā thā pahle
purānī chiiz na.ī kar ke dī ga.ī mujh ko
vo ek chiiz ki jis kā pata nahīñ thā ki hai
tumhāre saath vo ik chiiz mil ga.ī mujh ko
ye sach to hai ki tumhaari kami khali mujh ko
magar tumhaari zarurat nahin paDi mujh ko
main jis se bhag raha tha tamam duniya mein
bhaga raha hai jahan bhar mein ab wahi mujh ko
jahan ki or jo khiDki hai band kar li hai
sata rahi thi bahut koi raushni mujh ko
ye kaun keh gaya mujh se KHayal rakh apna
ye zimme-dari bhala kis ne saunp di mujh ko
jo dukh mila hai mujhe wo kisi ka tha pahle
purani chiz nai kar ke di gai mujh ko
wo ek chiz ki jis ka pata nahin tha ki hai
tumhaare sath wo ek chiz mil gai mujh ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.