meri sadgi pe hans ke meri juraton se jal ke

mirī sādgī pe hañs ke mirī jur.atoñ se jal ke

kabhī haath bhī vo aa.e to nikal ga.e machal ke

na palaT ke jā sakoge mai-o-jām se nikal ke

baḌī duur aa chuke ho mire saath saath chal ke

mirī bebasī ko samjho mire ashk-e-ġham na poñchho

koī shakl rah ga.ī hai inhīñ motiyoñ meñ Dhal ke

na kisī ne haath pakḌā na milā kahīñ sahārā

rah-e-'āshiqī meñ aksar maiñ girā sañbhal sañbhal ke

vo ghaTā garaj ke barsī ki ilāhī tauba tauba

jo sharāb gir ga.ī thī mire jaam se uchhal ke

baḌā ġhair-sūfiyāna hai chalan 'munīr' terā

dar-e-mai-kada sañbhālā dar-e-yār se nikal ke

meri sadgi pe hans ke meri juraton se jal ke

kabhi hath bhi wo aae to nikal gae machal ke

na palaT ke ja sakoge mai-o-jam se nikal ke

baDi dur aa chuke ho mere sath sath chal ke

meri bebasi ko samjho mere ashk-e-gham na ponchho

koi shakl rah gai hai inhin motiyon mein Dhal ke

na kisi ne hath pakDa na mila kahin sahaara

rah-e-'ashiqi mein aksar main gira sanbhal sanbhal ke

wo ghaTa garaj ke barsi ki ilahi tauba tauba

jo sharab gir gai thi mere jam se uchhal ke

baDa ghair-sufiyana hai chalan 'munir' tera

dar-e-mai-kada sanbhaala dar-e-yar se nikal ke